Partido polítiko M21 ta hasi un yamada urgente pa akshon; Ban krea un Boneiru kaminda ta reina rèspèt i armonia!

Kralendijk, 25 di novèmber 2024 – Den e lunanan tras di lomba, Boneiru a i ta eksperensiando un oumento preokupante di akto di violensia, agreshon físiko, uso eksesivo di arma di kandela i aksidente di tráfiko relashoná ku uso di alkohòl, i en general un intoleransia sosial ku ta sigui krese. E paraiso kari­ben­se akí, konosí pa su trankilidat i kalor humano, ta enfrentando un desafio ku ta menasá no solamente su imágen, sino tambe siguridat i bienes­tar di su habitantenan.

Un deterioro visibel

E oumento den aktonan di violensia no ta un koinsidensia. E fasilidat pa haña arma di kandela, huntu ku maluso di alkohòl i otro supstansia, ta kontribuí pa konfliktonan personal i di famia subi rápidamente na un nivel peligroso. Ademas, e intoleransia ku ta reflehá den diskushonnan ku ta kaba den agreshon físiko ta indiká un falta preo­ku­pante den maneho di emoshon i solushon pasífiko di konflikto. Aksi­dente­nan di tráfiko, hopi biaha relashoná ku aktuashon deskabeyá i uso di alkohòl, tambe a bira mas i mas frekuente. Kada siman por ripara ku tin aksidente basta serio ku por evitá si tin mas responsabilidat i rèspèt pa lei di tráfiko.

E importansia di aktua na tempu

Ounke Boneiru ta keda un lugá seif kompará ku hopi otro lugá, e tendensia aktual no por keda ignorá. Outoridatnan lokal, huntu ku komunidat, mester aktua promé ku e situashon akí sali fo’i man. Na otro lugánan den Karibe òf Latinoamérika, por mira kon falta di medidanan preventivo a trese un deterioro di nan siguridat, ku despues ta hopi difísil pa por koregí òf mehorá.

Medidanan pa kombatí e krísis.

1- Kontròl riba akseso na arma di kandela. Ta esensial pa tin regulashon pa pose­shon i tráfiko di arma. Outoridatnan mester hasi mas kontròl i den un forma  mas se­ve­ro nan mester kastigá esnan ku ta den poseshon di arma ilegal.

2- Kampaña pa prevení alkoholismo. Promové kampañanan edukativo riba e peliger di konsumo eksesivo di alkohòl, spesialmente ora ta stür, ta esensial. E akshonnan aki ta inkluí mas kontròl riba kaminda, but mas severo i programanan di rehabilita­shon pa residivista.

3- Edukashon den solushon di konflikto. Na Boneiru mester stimulá programanan den  komunidat ku ta yuda hende ku maneho di nan emoshonnan i pa sa kon aktua den mediashon di konflikto. Tayernan na nos skolnan, iglesianan i sentronan di bario por yuda hende siña kon pa aktua den un forma no violento, i kon pa trata ora tin diferensia di opinion i tenshon.

4- Mas presensia di polis i aplikashon di hustisia mas efisiente. Oumentá presensia di polis den áreanan konosí pa konflikto i duna garantia ku ta investigá i kastigá kasonan di violensia òf agreshon rapidamente. Imunidat no por ta un opshon.

5- Promové diálogo den komunidat. Na un isla manera Boneiru, kaminda sentido komun ta vital, ta krusial pa fortalesé lasonan sosial. Aktividatnan kultural i deportivo por funshoná komo un medio pa uni hende i redusí tenshon sosial.

Ròl di kada hende

No solamente outoridatnan tin un ròl den e bataya aki. Kada siudadano mester re­flek­shoná riba su responsabilidat. Evitá situashonnan ku por trese konflikto, denun­siá komportashon peligroso i eduká e generashonnan nobo pa loke ta trata rèspèt i toleransia, ta pasonan chikí pero signifikante. Kombibensia pasífiko ta dependé di nos tur.

Un yamada pa speransa.

Ounke e desafionan ta grandi, Boneiru tin e kapasidat pa superá e krísis akí. Nos komunidat diverso i e sentido di solidaridat ta un forsa di gran balor. Pero tempu ta konta. Aktua awor akí ta esensial pa preservá e karakter pasífiko i úniko di nos isla i di e manera ei garantisá un futuro seif pa tur nos habitantenan. E momentu a yega  pa nos uni i konstruí un Boneiru kaminda rèspèt i armonia ta e norma i no e eksep­shon. No tin espasio pa  violensia i aktuashon deskabeyá na nos dushi Boneiru.

Politieke partij M21 doet een dringende oproep voor actie

Laten wij een Bonaire opbouwen waar respect en harmonie heersen!

Kralendijk, 25 november 2024 – In de afgelopen maanden ervaart Bonaire een zorgwekkende toename van geweldsincidenten, fysieke agressie, buitensporig gebruik van vuurwapens en verkeersongelukken gerelateerd aan alcoholge­bruik, en in het algemeen een sociale onverdraagzaamheid die blijft groeien. Dit Caribisch paradijs, bekend om haar rust en menselijke warmte, staat voor een uitdaging die niet enkel haar eigen imago bedreigd, maar ook de veiligheid en het welzijn van haar inwoners.

Een zichtbare achteruitgang

De toename van geweldsincidenten is geen toevalligheid. Het gemak waarmee men aan vuurwapens kan komen, in combinatie met misbruik van alcohol en andere middelen, dragen ertoe bij dat persoonlijke en familieconflicten razendsnel naar een gevaarlijk niveau stijgen.  Bovendien duidt de onverdraagzaamheid die tot uiting komt in discussies die eindigen in fysieke agressie, op een zorgwekkend gebrek aan emotiebeheersing en vreedzame conflictoplossing. Verkeersongevallen, vaak gere­la­teerd aan roekeloos rijgedrag en alcoholgebruik, komen ook steeds vaker voor. Elke week merken we dat er behoorlijk ernstige ongelukken gebeuren die vermeden kunnen worden als er meer verantwoordelijkheid is en de verkeersregels gerespec­teerd worden.

Het belang van op tijd handelen

Hoewel Bonaire vergeleken met veel andere plaatsen een veilige plek blijft, kan de huidige trend niet worden genegeerd. De lokale autoriteiten moeten samen met de gemeenschap actie ondernemen voordat deze situatie uit de hand loopt. Elders in het Caribisch gebied en Latijns-Amerika kunnen we zien hoe het gebrek aan preventieve maatregelen heeft geleid tot een achteruitgang van hun veiligheid, die vervolgens zeer moeilijk te corrigeren of te verbeteren is.

Maatregelen om de crisis te bestrijden.

1- Controle over de toegang tot vuurwapens. Het is van essentieel belang dat er regelgeving komt voor het bezit van en de handel in wapens. De autoriteiten moeten meer controle uitoefenen en op een strengere manier degenen die illegaal in het bezit zijn van wapens straffen.

2- Campagnes om alcoholisme te voorkomen. Het bevorderen van voorlichtingscampagnes over de gevaren van overmatig alcoholgebruik, vooral tijdens het autorijden, is van essentieel belang. Deze acties omvatten meer controles op de weg, zwaardere boetes en rehabilitatieprogramma's voor recidivisten.

3- Onderwijs in conflictoplossing. Op Bonaire moeten binnen de samenleving programma’s worden gestimuleerd die mensen helpen hun emoties te beheersen en  leren hoe ze moeten handelen bij conflictbemiddeling. Workshops op onze scholen en in kerken en buurtcentra kunnen mensen helpen om niet gewelddadig te han­delen en hoe om te gaan met meningsverschillen en spanningen.

4- Meer aanwezigheid van politie en een efficiëntere rechtstoepassing. Vergroot de aanwezigheid van de politie op plekken die bekend staan ​​vanwege conflicten en zorg ervoor dat gevallen van geweld of agressie snel worden onderzocht en bestraft. Immuniteit kan geen optie zijn.

5- Bevorder de dialoog in de samenleving. Op een eiland als Bonaire, waar gezond verstand van levensbelang is, is het cruciaal om de sociale banden te versterken. Cul­tu­re­le activiteiten en sport kunnen fungeren als middel om mensen te verenigen en sociale spanningen te verminderen.

De rol van elke persoon

Niet alleen autoriteiten hebben een rol in deze strijd. Iedere inwoner moet nadenken over zijn/haar verantwoordelijkheid. Het vermijden van situaties die tot conflicten kunnen leiden, het aangeven van gevaarlijk gedrag en het opvoeden van de nieuwe generaties in termen van respect en verdraagzaamheid zijn kleine maar belangrijke stappen. Vreedzaam samenleven hangt van ons allemaal af.

Een oproep tot hoop.

Hoewel de uitdagingen groot zijn, heeft Bonaire het vermogen om deze crisis te overwinnen. Onze diverse samenleving en ons solidariteitsgevoel vormen een kracht van grote waarde. Maar de tijd dringt. Nu handelen is essentieel om het vredige en unieke karakter van ons eiland te behouden en zo een veilige toekomst voor al onze inwoners te garanderen. Het is nu tijd om ons te verenigen en een Bonaire op te bouwen waar respect en harmonie de norm zijn en niet de uitzondering. Op ons dushi Bonaire is geen ruimte voor geweld en roekeloosheid.